ଡେରାଡୁନ : ଉତ୍ତରାଖଣ୍ଡରୁ ଶୁକ୍ରବାର ଏକ ବଡ ଖବର ସାମ୍ନାକୁ ଆସିଛି। ଚାମୋଲି ଜିଲ୍ଲାର ଜୋଶୀମଠ ଏବଂ ବଦ୍ରିନାଥ ମଧ୍ୟରେ ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଛି। ଏଥିରେ ପାଞ୍ଚ ଜଣ ଯାତ୍ରୀ ଏବଂ ଜଣେ ପାଇଲଟ୍ ସମେତ ଛଅ ଜଣ ଥିଲେ। ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ଏହା ନିଶ୍ଚିତ କରିଛନ୍ତି।
ବଦ୍ରିନାଥ ଧାମରୁ ଡେରାଡୁନର ସହସ୍ରଧାରା ଫେରୁଥିବା ଏକ ହେଲିକପ୍ଟର ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡ଼ିଛି। ଏଥିରେ ଛଅ ଜଣ ଯାତ୍ରୀ ଥିବା ଜଣାପଡ଼ିଛି। ଦୁର୍ଘଟଣା ପରେ, ଉତ୍ତରାଖଣ୍ଡ ବେସାମରିକ ବିମାନ ଚଳାଚଳ ବିକାଶ ପ୍ରାଧିକରଣ ଏବଂ ପୁଲିସର ଦଳ ନିୟୋଜିତ ହୋଇଛନ୍ତି। ହେଲିକପ୍ଟର ଏବଂ ଏଥିରେ ଥିବା ଯାତ୍ରୀମାନଙ୍କୁ ଖୋଜିବା ପାଇଁ ପ୍ରୟାସ ଚାଲିଛି।
ଦୁର୍ଘଟଣା ପରଠାରୁ ପାଇଲଟଙ୍କ ସହ ଯୋଗାଯୋଗ କରିବାକୁ ଚେଷ୍ଟା କରାଯାଇଛି, କିନ୍ତୁ ଏଯାଏଁ କୌଣସି ପତ୍ତା ମିଳିନାହିଁ। ହେଲିକପ୍ଟରକୁ ଖୋଜିବା ପାଇଁ ଡ୍ରୋନ୍ ବ୍ୟବହାର କରାଯାଉଛି। ଖରାପ ପାଗ ମଧ୍ୟରେ ଏକ ସନ୍ଧାନ ଅଭିଯାନ ଆରମ୍ଭ କରାଯାଇଛି। ହେଲିକପ୍ଟରକୁ ଖୋଜିବା ପାଇଁ ଦଳଗୁଡ଼ିକ କାମ କରୁଛନ୍ତି। ବଦ୍ରିନାଥରୁ ଫେରିବା ସମୟରେ ଘଟିଥିବା ଏହି ଦୁର୍ଘଟଣାର ଖବର ଆସିଛି। ବର୍ତ୍ତମାନ ହେଲିକପ୍ଟର ଦୁର୍ଘଟଣାର ପରିସ୍ଥିତି ଏବଂ ଦୁର୍ଘଟଣାର କାରଣ ନିଶ୍ଚିତ ହୋଇନାହିଁ।
Leave a Reply